Ubuntu : சும்மா இருந்ததால் வந்த சிக்கல்
அக், 17 2024
இரவு ஒரு 10: 35 மணி இருக்கும் கணினியை திறந்து லாகின் செய்து விட்டு குரோமியம் உலவியில் தமிழ் லினக்ஸ் பாரத்தில் போட்ட கேள்விக்கு பதில் வந்ததா என்று பார்த்துக்கொண்டிருந்தேன்.
பார்த்துகொண்டிருக்கும் போது ஜேசன் அவர்களின் பதிவு தந்தி(Telegram App)யில் வந்தது. அதில் A2D நந்தா அவர்களின் CDK Offers மற்றும் CDKLabs பற்றிய சில செய்திகள் வந்தது. அவற்றையெல்லம் பார்த்துவிட்டு கணினியில் சுட்டியை சொடுக்கினேன் செய்தேன். எதற்கும் ஒத்துழைக்க வில்லை ஆனால் சுட்டி மட்டும் நகர்ந்தது. விசைப்பலகையை தட்டி டெர்மினலில் எதேனும் கட்டளைகளை பயன்படுத்தி குரோமியத்தினை நிறுத்திவிட்டு மீள் தொடங்கலாம் என நினைத்தேன். ஆனால் விசைகள் இயங்கின அதனுடைய உள்ளீட்டை கணிணி ஏற்கவில்லை.
திறன்பேசியில் தேடினேன்.
ரெடிட்டில் ஒரு பதிவு கிடைத்தது. அதில் குறிப்பிட்ட படி ctrl+alt+F3 யை அழுத்தினேன். பின்னர்
sudo systemctl status gdm
கட்டளையிட்டேன் (inactive) நிலையில் இருந்தது. பின்னர் நான் lightdm பயன்படுத்துவதால் அதனுய நிலையை சரிபார்த்தேன்.
sudo systemctl status lightdm
அது இயக்கத்தில் இருந்தது. lightdm ஐ மீள்தொடக்கம் செய்தேன். பின்வரும் கட்டளை கொண்டு
sudo systemctl restart lightdm
மீள் தொடக்கம் செய்ததும் விசைப்பலகை சரியாக இயங்கியது. சுட்டியும் நன்றாக இயங்கியது.
நன்றாக இயங்கியதால் இந்த பதிவையும் எழுத முடிந்தது.
நன்றி.